Монголын спортьш ертөнц энэ долоо хоногт онцлох үйл явдлаар дүүрэн байлаа. Эзэн Чингисээр овоглосон жүдо бөхийн Дэлхийн цомд цэнхэр гаригийн сор болсон бяртнууд хүрэлцэн ирж хүч үзэн, ард түмний мэлмий баясгав. Олимпийн аварга Н.Түвшинбаяр, дэлдхийн аварга Х.Цагаанбаатар нар маань алтан медать хүртсэн нь магнай тэнийлгэсэн хэрэг байлаа.
Энэхүү тэмцээний халааг дэлхийн эмэгтэй шатарчдын Гран пригийн тав дахь цуврал залган авч, дэлхийн таван удаагийн аварга Майя Чибурданизе тэргүүтэй шигшигдмэл тамирчид Улаанбаатарт морилоод байна.
Дэлхийн аваргын титэм хүртсэн дөрвөн бүсгүй манай оронд зэрэг ирсэн нь Монголын спортын түүхэнд цоо шинэ хуудас нээв. Тэрчлэн шатрын ордны шав тавих ёслол болж, Олон улсын шатрын холбооны ерөнхийлөгч Кирсан Илюмжинов уг ажиллагаанд оролцсон нь баяр дээр баяр нэмсэн.
Бөх барилдан өсөж, шатар тоглон ухааныхаа царыг тэлдэг хөх толботой ард түмний дуртай хоёр спортын дэлхийн хэмжээний тэмцээн дуу дуугаа аван залгасныг онцлохгүй байхын аргагүй. Шатрын Гран пригийн тоглолт өчигдөр “Их тэнгэр" цогцолборт "хөшгөө нээж", эхний нүүдлийг УИХ-ын дарга ДДэмбэрэл нүүснээр эхэллээ.
Эхний өрөгт манай их мастер Б.Мөнгөнтуул Гүржийн нэрт шатарчин Майя Чибурданизетай тоглож ялагдал хүлээлээ. Дараагийн өрөгт Б.Мөнгөнтуул Шень Янтай тоглоно.
Ийнхүү тус тусын оноолтоор шатрын нүүдэл үргэлжилсээр байна.
Уншигчдын сэтгэгдэл