Монголбанк, Зүүн Өмнөд Азийн төв банкуудын холбоо (ЗӨАТБХ)-той хамтран “Хөрөнгийн үнийн өсөлт, мөнгөний бодлогод үзүүлэх нөлөө ба сорилт” сэдэвт семинар зохион байгуулж байна. Тус сургалтад ЗӨАТБХ, Япон, Тайланд, БНСУын Төвбанкны мэргэжилтнүүд оролцож, хөрөнгийн үнийн инфляц, түүнийг хэмжих, инфляцид бодлогын хариу үйлдэл үзүүлэх, хөрөнгийн үнийн хөдөлгөөн ба бодлогын үр дагавар, макро, микро эдийн засгийн зохистой харьцаа, үнийн хөөрөгдөлт зэрэг сэдвээр лекц унших аж.
Монголбанк ЗӨАТБХ-нд гишүүнээр элссэнээс хойш дэлхийн санхүүгийн хуримтлалын дийлэнхийг бий болгодог бүс нутгийн төв банкуудын хэрэгжүүлж буй бодлогын арга хэмжээнээс суралцах зорилгоор дөрвөн удаагийн сургалт явуулсан бөгөөд энэ удаагийн семинар түүний үргэлжлэл юм байна. Долдугаар сарын 28-ныг хүртэл үргэлжлэх уг семинарт 12 орны 28 төлөөлөгч, Монголбанкны 10 ажилтан болон холбогдох албаны хүмүүс оролцож байгаа юм байна.
Г.ТӨГӨЛДӨР
Уншигчдын сэтгэгдэл