Өнгөрсөн долоо хоногийн турш цахим хуудсуудаар тэнүүчилсэн дөрөв дэх үеийн iPhone-ий зураг хуурамч биш болохыг Gizmodo. com мэдээлжээ.
Сонирхолтой нь шинэ бүтээгдэхүүнийхээ талаар Apple компани өнөө хэр албан ёсоор мэдээлэхгүй байгаа аж. Тус компанийн үйлдвэрлэсэн 3GS загвартай гадаад байдлаараа адилхан уг утсыг Рэдвуд хотын нэгэн уушийн газраас олсон байна. Шинжээчид хэдийнэ “задлан шинжилж” Apple-ийн бүтээл мөн болохыг нь батлаад байгаагаар зогсохгүй 3GS загвараас дүрстэй дуудлага хийж болдог, линз томтой, дэлгэцийн нягтрал харьцангуй өндөр, 64GB-ийн санах ойтой гээд олон зүйлээрээ ялгаатай болохыг тогтоожээ.
'
Эл нууцлаг бүтээгдэхүүнийг мэргэжилтнүүд “Дөрөв дэх үеийн iPhone” хэмээн тодорхойлоод байна. Gizmodo.com цахим хуудсыг эрхлэн гаргагчид Apple ком панийн ажилтан Жон Грубэрээс энэ талаар лавлахад, тэрбээр албан ёсны мэдээлэл хийхээс татгалзсан боловч шинэ загварын утас алдагдсан бөгөөд ирэх зургадугаар сард худалдаанд гаргахаар төлөвлөж байгаа талаар ам алджээ.
Уншигчдын сэтгэгдэл