Мэргэжлийн сүмогийн 68 дахь их аварга Д.Дагвадоржийг Монгол Улсын шадар сайд М.Энхболд өнгөрсөн баасан гаригт хүлээн авч уулзлаа. Японы мэргэжлийн сүмо бөхийн дэвжээнд зодоглон Их аварга хэмээх эрхэм хүндтэй цол хүртэх эх орныхоо нэрийг өндөрт өргөсөн түүнд талархал илэрхийлсэн юм. Хэдийгээр зодог тайлсантай нь холбогдуулан хоёр орны хэвлэл мэдээллийн хэрэгслээр, олон нийтийн дунд янз бүрийн үзэл бодол, ойлголт гарч байгаа ч үүнийг зөв тунгааж, ухаалгаар хандахыг их аваргаас хүссэн юм. Монгол Улсын эрх ашгийн төлөө хоёр орны иргэдийн харилцан ойлголцлыг нэмэгдүүлэх, соёл, спортын салбар дахь хамтын ажиллагааг хэрэгжүүлэхэд хувь нэмэр оруулна гэдэгт итгэж байгаагаа Шадар смайд М.Энхболд илэрхийлээ. Энэ үеэр их аварга Д.Дагвадорж “Ирэх аравдугаар сард зодог тайлах ёслолоо хийх учир бэлтгэл ажлаа хангахаар энэ сарын 18-нд Япон улсыг зорино” гэв.
Уншигчдын сэтгэгдэл