Шинэ Зеландын Martin Aircraft компани нислэг хийхэд зориулсан жижиг хайрцаг зохион бүтээхээр болосн байна. Нэг хүн нисч болох энэ нисдэг хайрцаг 50.000 орчим паундаар зарагдах гэнэ. Гэхдээ одоохондоо шинэ “онгоцыг” хийхэд шаардлагатай хөрөнгө оруулагч хайж байгаа юм байна. Хоёр сэнстэй, 200 морины хүчтэй нисдэг хайрцгыг Шинэ Зеландын зохион бүтээгч Гленн Мартин хийж, өнгөрсөн оны зургадугаар сард олон нийтэд толилуулсан.
Саяхан туршсан загвар нь 2.400 метрийн өндөрт, цагт 60 бээрийн хурдтай ниссэн бөгөөд 115 кг жинтэй энэ нисдэг хайрцаг нэг сав түлшээрээ 45 км замыг 30 минутад туулах чадвартай. Нислэг үйлдэхэд заавал нислэгийн зөвшөөрөл авах шаардлагагүй агаад эмнэлгийн тусламж үзүүлэх болон хувийн хэрэгцээнд ашилахад нэн тохиромжтой гэж зохион бүтээгч Г.Мартин мэдэгджээ.
Олон улсын нэгэн нисэх компани хамтрах санал тавьсан байна. “Martin Aircraft” компанийн гүйцэтгэх захирал Ричард Лаудер төслийг нь сонирхож байгаа комданийн нэрийг хэлэхээс татгалзаад, “Тус компани төсөлд хөрөнгө оруулан хамтарсан компани байгуулсан тохиолдолд хувьцааны 51 хувийг эзэмших бөгөөд зохион бүтээгч Г.Мартин бид хоёр удирдлагыг нь авах болно” гэлээ. Төсөл хэрэгжиж эхэлбэл хамтарсан компани жилдээ 500 орчим нисдэг хайрцаг борлуулах боломжтой хэмээн тооцоолжээ.
Уншигчдын сэтгэгдэл